ನಮ್ಮ ದೇಶದಲ್ಲಿ ಧಾರ್ಮಿಕ ಹಬ್ಬಗಳಿಗೆ ವಿಶೇಷವಾದ ಮಹತ್ವ ಮತ್ತು ಪ್ರಾಧಾನ್ಯತೆ ಇದೆ. ಅದೇ ವೇಳೆ ಧಾರ್ಮಿಕ ಹಬ್ಬಗಳಂತೆಯೇ ನಮ್ಮಲ್ಲಿ ರಾಷ್ಟ್ರೀಯ ಹಬ್ಬಗಳನ್ನು ಸಹ ಜನರು ಬಹಳ ಉತ್ಸಾಹ ಮತ್ತು ಸಂತೋಷದಿಂದ ಆಚರಿಸುತ್ತಾರೆ. ಸ್ವತಂತ್ರ ಭಾರತದ ಅಡಿಪಾಯವನ್ನು ಹಾಕುವಲ್ಲಿ ತಮ್ಮ ತನು, ಮನ, ಧನ ಪ್ರಾಣವನ್ನು ಅರ್ಪಿಸಿದ ಅಸಂಖ್ಯಾತ ಮಂದಿ ಕ್ರಾಂತಿಕಾರಿಗಳು ಮತ್ತು ಹುತಾತ್ಮರ ತ್ಯಾಗವನ್ನು ಸ್ಮರಿಸಲು, ಗೌರವಿಸಲು ಈ ಹಬ್ಬಗಳನ್ನು ಆಚರಿಸಲಾಗುತ್ತದೆ. ರಾಷ್ಟ್ರೀಯ ಹಬ್ಬಗಳ ದಿನವನ್ನು ದೇಶದಾದ್ಯಂತ ಸಂಭ್ರಮದಿಂದ ಆಚರಿಸಲಾಗುತ್ತದೆ ಮತ್ತು ಜನರೆಲ್ಲಾ ಒಟ್ಟುಗೂಡಿ ಹುತಾತ್ಮರು, ಕ್ರಾಂತಿಕಾರಿಗಳು ಮತ್ತು ದೇಶದ ಮಹಾನ್ ವ್ಯಕ್ತಿಗಳ ಪ್ರತಿಮೆಗಳಿಗೆ, ಅವರ ಸಮಾಧಿಗಳಿಗೆ ಗೌರವ ಸಲ್ಲಿಸುತ್ತಾರೆ.
ಭಾರತೀಯ ರಾಷ್ಟ್ರೀಯ ಹಬ್ಬಗಳ ಪ್ರಾಮುಖ್ಯತೆಯನ್ನು ಹತ್ತು ಸಾಲುಗಳು ತಿಳಿಯೋಣ ಬನ್ನಿ. ನಾವು ನಮ್ಮ ರಾಷ್ಟ್ರೀಯ ಹಬ್ಬಗಳನ್ನು ಬಹಳ ಸಂತೋಷದಿಂದ ಆಚರಿಸುತ್ತೇವೆ. ಹಾಗಾದರೆ ಇಂದು ಆ ಹಬ್ಬಗಳ ಮಹತ್ವವನ್ನು ನಾವು ತಿಳಿಯೋಣ.
ಭಾರತದ ರಾಷ್ಟ್ರೀಯ ಹಬ್ಬಗಳ ಮಹತ್ವದ ಕುರಿತು 10 ಅರ್ಥಪೂರ್ಣ ವಾಕ್ಯಗಳು – ಸೆಟ್ 1
1) ಭಾರತದ ರಾಷ್ಟ್ರೀಯ ಹಬ್ಬಗಳು ದೇಶದ ಭವಿಷ್ಯ ಎನಿಸಿರುವ ಯುವ ಪೀಳಿಗೆಯಲ್ಲಿ ರಾಷ್ಟ್ರೀಯತೆ ಮತ್ತು ದೇಶಭಕ್ತಿಯ ಭಾವನೆಗಳನ್ನು ಪ್ರೇರೇಪಿಸುತ್ತದೆ.
2) ಎಲ್ಲಾ ಧರ್ಮದ ಜನರು ತಮ್ಮ ಧಾರ್ಮಿಕ ವಿಭಿನ್ನತೆಯನ್ನು ಮೆರೆತು ಒಟ್ಟಾಗಿ ರಾಷ್ಟ್ರೀಯ ಹಬ್ಬವನ್ನು ಆಚರಿಸಿ, ಏಕತೆಯನ್ನು ಮೆರೆಯುತ್ತಾರೆ.
3) ಈ ಹಬ್ಬಗಳು ರಾಷ್ಟ್ರೀಯ ಹಿತಾಸಕ್ತಿಗಾಗಿ ವಿವಿಧ ಧರ್ಮಗಳ ಜನರನ್ನು ಒಂದುಗೂಡಿಸುತ್ತವೆ.
4) ನಮ್ಮ ದೇಶದ ಶ್ರೀಮಂತ ಇತಿಹಾಸವನ್ನು, ಭವ್ಯ ಪರಂಪರೆಯನ್ನು ಪ್ರತಿನಿಧಿಸುವ ಮೂರು ಭಾರತೀಯ ರಾಷ್ಟ್ರೀಯ ಹಬ್ಬಗಳಿವೆ.
5) ಗಾಂಧಿ ಜಯಂತಿಯ ದಿನದಂದು ರಾಷ್ಟ್ರ ಪಿತ, ಮಹಾತ್ಮ ಗಾಂಧೀಜಿಯವರ ಚಿಂತನೆಗಳು ಯುವಕರಿಗೆ ಪ್ರೇರೇಪಣೆಯನ್ನು ನೀಡುತ್ತದೆ.
6) ಆಗಸ್ಟ್ 15 ರಂದು ಆಚರಿಸುವ ಸ್ವಾತಂತ್ರ್ಯ ದಿನಾಚರಣೆ ನಮ್ಮ ಸ್ವಾತಂತ್ರ್ಯ ಹೋರಾಟಗಾರರಿಗೆ ಗೌರವ ಸಲ್ಲಿಸುವ ಆಚರಣೆಯಾಗಿದೆ.
7) ಪ್ರಜಾಪ್ರಭುತ್ವ ರಾಷ್ಟ್ರಕ್ಕೆ , ಸಂವಿಧಾನ ರಚನೆಯ ದಿನವನ್ನು ಸ್ಮರಿಸಲು, ಸಂಭ್ರಮಿಸಲು, ಅದಕ್ಕಾಗಿ ಶ್ರಮಿಸಿದವರಿಗೆ ಗೌರವ ನೀಡಲು ಗಣರಾಜ್ಯೋತ್ಸವದ ಆಚರಣೆಯಾಗಿದೆ.
8) ಈ ಹಬ್ಬಗಳು ನಮ್ಮ ದೇಶದ ಇತಿಹಾಸವನ್ನು ವಿವರಿಸುತ್ತವೆ.
9) ಈ ಹಬ್ಬಗಳು ವಿಭಿನ್ನ ಸಂಸ್ಕೃತಿ ಮತ್ತು ಸಮುದಾಯದ ಜನರನ್ನು ಒಟ್ಟಿಗೆ ಸೇರಿಸುತ್ತವೆ.
10) ಭಾರತದ ರಾಷ್ಟ್ರೀಯ ಹಬ್ಬಗಳು ಸಾಂಸ್ಕೃತಿಕ ಏಕತೆಯನ್ನು ಕಾಪಾಡುವಲ್ಲಿ ಗಣನೀಯ ಕೊಡುಗೆಯನ್ನು ನೀಡುತ್ತವೆ.
ಭಾರತದ ರಾಷ್ಟ್ರೀಯ ಹಬ್ಬಗಳ ಮಹತ್ವದ ಕುರಿತು ಹತ್ತು ವಾಕ್ಯಗಳಲ್ಲಿ ತಿಳಿಯೋಣ ಬನ್ನಿ, ಸೆಟ್ 2
1) ಭಾರತದ ರಾಷ್ಟ್ರೀಯ ಹಬ್ಬಗಳು ದೇಶದ ಮಹಾನ್ ವ್ಯಕ್ತಿಗಳನ್ನು ಮತ್ತು ಅಖಂಡ ಭಾರತ್ ನಿರ್ಮಾಣಕ್ಕಾಗಿ ಅವರು ಮಾಡಿದ ತ್ಯಾಗವನ್ನು ಸಂಕೇತಿಸುತ್ತವೆ.
2) ಈ ಹಬ್ಬಗಳ ಮೂಲಕ ಜಗತ್ತಿಗೆ ಭಾರತದ ತಾಂತ್ರಿಕ ಪ್ರಗತಿ ಮತ್ತು ಶಕ್ತಿಯ ಪರಿಚಯವಾಗುತ್ತದೆ.
3) ರಾಷ್ಟ್ರೀಯ ಹಬ್ಬಗಳು ನಮ್ಮ ಸೇನಾ ಸಾಮರ್ಥ್ಯಗಳ ಅರಿವನ್ನು ಜಗತ್ತಿಗೆ ಮೂಡಿಸುತ್ತವೆ.
4) ಈ ಹಬ್ಬಗಳು ನಮ್ಮನ್ನು ಸ್ವಾವಲಂಬಿಗಳಾಗಿರಲು ಪ್ರೇರಣೆಯನ್ನು ನೀಡುತ್ತವೆ.
5) ಈ ಹಬ್ಬವು ದೇಶದ ಮಹಾನ್ ಸ್ವಾತಂತ್ರ್ಯ ಹೋರಾಟಗಾರರಿಗೆ ಗೌರವಿಸಿ, ಆದರಿಸುವ ಸಂದರ್ಭವಾಗಿದೆ.
6) ಈ ಹಬ್ಬಗಳು ನಮಗೆಲ್ಲರಿಗೂ ನಮ್ಮ ಇತಿಹಾಸದಿಂದ, ಅಹಿಂಸೆ ಮತ್ತು ಸೌಹಾರ್ದತೆಯೊಂದಿಗೆ ಬಾಳಬೇಕೆಂಬ ಜೀವನ ಪಾಠವನ್ನು ಕಲಿಸುತ್ತವೆ.
7) ಈ ರಾಷ್ಟ್ರೀಯ ಹಬ್ಬಗಳು ದೇಶದ ಪ್ರಸ್ತುತ ಪರಿಸ್ಥಿತಿಯ ಬಣ್ಣವನ್ನು, ರೂಪವನ್ನು ಬದಲಿಸಿದ ಮಹತ್ವಪೂರ್ಣ ಐತಿಹಾಸಿಕ ಘಟನೆಗಳನ್ನು ನೆನಪಿಸುತ್ತವೆ.
8) ಸ್ವಾತಂತ್ರ್ಯ ಬಂದು ದಶಕಗಳೇ ಕಳೆದರೂ ಕೂಡಾ ಈ ಹಬ್ಬಗಳು ನಮ್ಮ ದೇಶದಲ್ಲಿನ ವಿವಿಧತೆಯಲ್ಲಿ ಏಕತೆಗೆ ಜೀವಂತ ಉದಾಹರಣೆಯಾಗಿವೆ.
9) ರಾಷ್ಟ್ರೀಯ ಹಬ್ಬಗಳು ಜನರಲ್ಲಿ ರಾಷ್ಟ್ರೀಯತೆ ಮತ್ತು ದೇಶಭಕ್ತಿಯ ಭಾವನೆಯನ್ನು ಮೂಡಿಸಲು ಸಹಾಯ ಮಾಡುತ್ತದೆ.
10) ಶಾಲಾ-ಕಾಲೇಜುಗಳಲ್ಲಿ ಆಯೋಜಿಸಲಾಗುವ ಸಾಂಸ್ಕೃತಿಕ ಕಾರ್ಯಕ್ರಮಗಳ ಮೂಲಕ, ದೇಶದ ಭಾವೀ ಪೌರರಾದ ವಿದ್ಯಾರ್ಥಿಗಳಲ್ಲಿ ಬಾಲ್ಯದಿಂದಲೇ ರಾಷ್ಟ್ರದ ಇತಿಹಾಸದ ಮಹತ್ವವನ್ನು ಗೌರವಿಸಲು ಪ್ರೇರಣೆಯನ್ನು ನೀಡಲಾಗುತ್ತದೆ.
ರಾಷ್ಟ್ರೀಯ ಹಬ್ಬಗಳೆಂದರೆ ಇದು ಜನರು ತಮ್ಮ ನಡುವಿನ ಭಿನ್ನಾಭಿಪ್ರಾಯ ಮರೆತು ಒಂದೆಡೆ ಸೇರಿ ಸಂತೋಷದಿಂದ ಹಬ್ಬವನ್ನು ಆಚರಿಸಿ, ನಮಗಾಗಿ ಸ್ವಾತಂತ್ರ್ಯವನ್ನು ತಂದು ಕೊಟ್ಟ ಹೋರಾಟಗಾರರಿಗೆ ಗೌರವ ಸಲ್ಲಿಸುವ ಸುಸಂದರ್ಭವಾಗಿರುತ್ತದೆ. ಹುತಾತ್ಮರು, ಕ್ರಾಂತಿಕಾರಿಗಳು ಮತ್ತು ರಾಷ್ಟ್ರಕ್ಕೆ ಅರ್ಪಿಸಿದ ಮಹಾನ್ ಪುರುಷರ ತ್ಯಾಗದ ಕಥೆಗಳು ದೇಶಭಕ್ತಿ ಗೀತೆಗಳ ರೂಪದಲ್ಲಿ ಎಲ್ಲಾ ಕಡೆಯಿಂದ ಕೇಳಿಬರುತ್ತವೆ. ಇಡೀ ದೇಶವು ಒಟ್ಟಾಗಿ ಈ ಹಬ್ಬವನ್ನು ಆಚರಿಸುತ್ತದೆ ಮತ್ತು ವಿಶ್ವಕ್ಕೆ ಏಕತೆಯ ಒಂದು ಅಸಾಧಾರಣ ನಿದರ್ಶನವನ್ನು ಪ್ರಸ್ತುತಪಡಿಸುತ್ತದೆ.